Au vakabauta ni Vola Tabu sa na tukuna toka e so na veika sara ga e da sa raica tu qo... Au kerea ni soli vakasama mai kina.
NA CAVA E YACO TIKO KINA NAI VALU - KA SEGA NI OTI RAWA?
Sa tekivu kaba na vanua ko Ukraine ko Rusia me vaka e da sa rogo ca tiko qo e na News e vuravura taucoko. Ia, e da bau vakataroga se caa sara mada na vuna e yaco tiko kina nai valu - ke na vei tovo Ca ca, e na noda vuravura qo? Keda vakataroga - sa vaka me qai levu tiko ga mai na vei Tovo Ca e na noda vuravura qo. E na vei koro lelevu ka vakatalega kina e na noda vei korokoro vakaviti. KEIMAMI NA MAI TU YAWA KA DEDE QAI GOLE YANI KI VITI: E na loma ni tolusaga vulu vaka caca na yabaki sa oti - Au vaka dikeva ni vaka me sa toso cake tikoga vakamalua na - na i Tovo Ca e Viti. E na 1970's ki na tekiteki vu ni yabaki 1990's - o ni rawa ni vakadinadinataka na Totoka ni Bula e noda vanua lomani ko Viti. E Rokovi na noda i valavala ni sota kei na i tovo vaka-i'taukei. I a, sa toso cake mai na Vulika, na Veivakatorocaketaki, ka toso vata mai kei na kena vei i'tovo-vovou. Au vakataroga e vica na wekaqu e ra tiko mai Australia, New Zealand kei Igiladi ka ra tu...
Na veika e vosa mai kina nai vola tabu udolu vakacaca na yabaki sa oti sa yaco sara tikoga edaidai. Au vakabauta na tamata vakayadua ga me sa teivaki koya ka vakadeitaki koya ena nona veiwekani kei na gone turaga o Jisu.
ReplyDeleteTotoka vakaoti kemuni. Au kerea la - ke qai rawa ni oni wasea mai e so na Tikina mai nai Vola Tabu... (e ra taroga tiko mai e so na wekada)....God bless
DeleteNoqu vakasama au via wasea. Sa dina sara ni noda veitososyaki tiko na tamata sa baleta ga na noda via vakatorocaketaka na noda bula kina dua tale nai vakatagedegede ka segani vakatara tutu yavu levu ni toso oqo sai koya na kena vakarabailevutaki na kila ka vakavuli me rawa ni vukeya na noda rawa ka me vaka nai lavo me rawa ni vakatorocaketaka na noda bula. Eso talega na veitosoyaki oqo sai koya na kena vakatorocaketaki na bula vakayalo ka levu na wekada era vakaitavi vaka lotu sa vu talega ni nodra veitosoyaki sai koya na kena vakatetei na kosipeli. Ena yasa cava ga e yavu ni veitosoyaki sa yaga meda kila ni dua na siga ena cava na toso oqo ka taro levu meda taroga. E cava na bula eda sa namaka me noda ena bula ka tarava. Eda sa sotava sara tikoga ena gauna oqo e dua na draki ni bula dredre ka sa tukuna oti tu nai vola tabu ni na yaco ka sa via tukuna tiko ni sa vakarau lesu tale mai na Turaga o Jisu Karisito. Na lesu mai qo sa tukuna talega ni sa na mai cava na bula e vuravura meda sa vakanamata yani kina bula ka tarava. Eda vinakata se sega na bula ka tarava eda na mai kau kece meda laki bula kina oya na marau tawa mudu kei na rusa tawa mudu. E dua ga vei rau oqo eda na laki bula kina ka na vakatau sara ena i walewale ni bula cava eda bulataka tiko ena gauna oqo. Na taro e tiko ka gadrevi meda sauma yani e viribaiti koto ena kena sa tarai vuravura tu oqo na COVID 19 ; ke mani so tale mai na mate vovou, oti ya qai mani toso tale na kena sa cegu tu na veitosoyaki ena macawa...E vei na vanua eda na gole kina?
ReplyDeleteVei au nai sau ni taro ena vaka koto oqo. O rau ruarua oqo e vaka e sogoti keda sara ga mai na veitosoyaki qai vakadaberi keda meda tiko vakadua. Ena vanua cava ga eda sa na sogoti toka kina meda tiko vakadua sai koya sara ga oya na noda Jeruislemi se na vanua meda vakadei kina meda waraka na nona lesu mai na gone turaga o Jisu Karisito.Ka sai koya talega na Jeruisalemi qo meda vakadeitaki keda kina me sa vanua ni wawa...me vaka e kaya talega na nona vosa ,.. Dou vakatawa ka masu ni sa sega na gauna se na tiki ni siga ena lesu mai kina. Ia e dua na ka vinaka nida sa kila nai vakatakilakila ka rua vei rau sa tarai vuravura tu oqo na COVID 19 kei na kena sa vakalailaitaki mai na veitosoyaki ena maliwa lala.Kevaka ena qai levu tale mai ia sa vanua vinaka ga sai koya na noda dui Jesrusalemi meda vakatawa ka masu tikoga. Oya ga na vanua meda toso kina me maroroi keda mai na veivakatotogani kei vuravura ka vakarauaki keda yani kina nona lesu mai na gone turaga o Jisu Karisito . Dua saka ga noqu cau ya...
Totoka vakaoti (mr Unknown)..Au kerea ni qai ( ) taka mai na Yacamani. Dua tale na kerekere levu - Ke qai rawa ni dua se rua na Tikini Vola Tabu - me keimami rawa ni bau wilika na tacimuni ka - me vure vakasama......Qo sa dua na Platform vinaka ni da mai veiwasei ------ ka da vuli kece tiko mai kina...
ReplyDeleteNi sa yadra vinaka mai.
ReplyDeleteE na Joni 14: 1 e tukuna ko Jisu vei iratou na nona Tisaipeli - nai otioti nio nona vevakadreti ni bera tiko nai lako lako ki Kaliovari - oti me lauvako, bulu ka tucake e nai ka tolu ni siga..."Me kakua ni rarawa na yalomudou. Dou sa vakabauta na Kalou, dou vakabauti Au talega....."
TARO & VAKANANANU:
Sa vakarau mai cava na tolu veimama na yabaki ni nona tiko voli kei iratou na Tisaipeli....Sa vakarau na veitalatala......
1. Vakasamataka ke o iko e dua vei iratou na Tisaipeli, na cava e na votu mai vei iko?
2. So beka na taro e se vo tiko mo taroga vei Jisu?
( Au kerea moni veiwaseitaka mai na nomunio nanuma)**
"Vakasamataka ke o iko e dua vei iratou na Tisaipeli, na cava e na votu mai vei iko?" Au na via wasea na noqu vakasama ena noqu sauma na taro oqo kevaka au a dua vei ira na Tisaipeli ka vosa tiko vei au ko Jisu ena Joni 14 :1. Nai matai ni ka ena votu mai vei au ni sa vosa tiko mai ko Jisu ka sa dau vosa tiko ka vakavulici au tiko ena i valavala vaka Tisaipeli me rawa niu rawata kina na bula e gadreva meu bula kina meu rawata na bula vakacegu kei na sautu ena bula oqo ka rawa talega niu rawata na bula tawa mudu ena bula sa bera mai. E a sa tataunaka oti ko Jisu ena ena Joni 13 :33 " Na luvequ lomani, au na tiko vakalailai ga kei kemudou, dou na vakasarai au, ia me vaka kau a kaya vei ira na kai Jiutia, dou sa sega ni lako rawa kina vanua kau sa lako yani kina, au sa kaya talega vaka kina vei kemudou. Sa vosa oji talega ko Jisu ena Joni 8 :31
ReplyDelete" Sa qai kaya ko Jisu vei ira na kai Jiutia era sa vakabauti koya, kevaka dou sa muriya tikoga na noqu vosa dou sa qai noqu tisaipeli dina". Kevaka sa kaya ko Jisu na vosa e cavuta ena 14:1 ia sa yaga meu na vakabauta ka kakua ni rarawataka na nona lako baleta ni sa tukuna o koya ni na lesu tale mai ka kauti au meu na laki tiko talega ena vanua ena laki tiko kina. E levu na gauna e dau va ya na noda bula ni tarai keda eso na dredre me vaka eda sa sotava tiko qo e vaka e dau yali totolo sara vei keda na nona vosa ni veivakadeitaki na noda i vakabula ko Jisu Karisito ka sa yaga ena gauna oqo meda raici Jisu matua tiko ka vakadeitaka tiko na noda vakabauta ni sai koya ga oya ena vakadeitaki keda. Sa sega tale ni dua na taro meda taroga vei Jisu me vaka e a cakava o Pita ena dela ni nona vakatitiqa ena Joni 13:36 "sa kaya vua ko Saimoni Pita, Kemuni na Turaga ko Ni sa lako ki vei? Sa kaya vua ko Jisu, a vanua kau sa lako kina ko sa sega ni muri au rawa kina e daidai, ia mai muri ga ko na muri au". Sa sega ni Kalou me da loma tarotaro taka na Kalou ko Jiova ka sa mai dusiya na sala na Noda i vakabula ko Jisu Karisito me vaka nona vosa ena Joni 14:6 " Sa kaya ko Jisu, o au na sala kei na vu ni dina kei na vu ni bula, sa sega ni torovi tamaqu walega e dua na tamata , ena vukuqu duadua ga".
Vinaka .
Sa vinaka vakalevu ( MM).. totoka ma nomuni vakanananu. Au taleitaka na nomuni - semata mai na taro nei Saimoni Pita.. ( Tisaipeli dau totolo nona - Sauma na taro nei Jisu.)... ia .. noda taroga tiko na Dau ni Vei Buli ( Joni 1: 1- 3) .... e lailai na Rai vaka tamata .. na noda Kalou e raica na veika e da se bera ni yacova yani..
ReplyDeleteNa Vosa ni Kalou - e vosa Bula ; ka ke vaka e da vakasamataka - vakamalua ..... e da na kidrowa e na Tirobu - ni i'balebale ni vei yaruvosa e tukuna ko Jisu...
sema ni Vakanananu (MM)
ReplyDeleteAu gadreva meu vakananumi keda - ni ratou veitalanoa tiko ko ratou na Tisaipeli kei Jisu ( Na Kalou .. ka tiko kei iratou : Maciu 1:22-24) ....
E na veisiga ni Veivakabulai; se vei vakauta vulici .. o Jisu (God with us)....
Sa dua na ka na nodratou kalougata - qo sa yacova keda mai na Vakabauti Jisu ( Lotu Vakarisito ) ...
Nu bula Vina'a Mai. Noqu Nanuma se contribution ena rua na taro :
ReplyDelete1. Vakasamataka ke o iko e dua vei iratou na Tisaipeli, na cava e na votu mai vei iko?
Yaluma ni Yalo ia vaka dei ena nona vosa...mena gole o koya me rawa ni gole mai e dua tale (Holy Spirit).
2. So beka na taro e se vo tiko mo taroga vei Jisu? Sega. Satisfied that Jesus is Enough.
Isa vinaka vakalevu na saumi taro tiko mai..(unknown)...totoka nai sau ni taro ruarua.......
ReplyDeleteRatou na Tisaipeli Kei keda e da tautauvata vinaka- na veika e da mosita ni dua sa lako e nai lakolako balavu ni biuti keda.......( e mosi ka da na vaka-isaisa) .. dina ni saga ni volai, ia e yaco dina...
Karua ni sau ni taro, sa donu vinaka, na Yalotabu, na vu ni vakacegu, ( e da na qai veitalanoataka e na dua tale na gauna); sai koya e na mai vakararamataka na veika sa mai vakatavulica ko Jisu....ka na tuberi keda - e na veika Kecega e dina..