Tau mada Au via vakavinavikataki ira na wekada e na Vei Matavakabauta (AOG/ Pentecost/Methodist/CMF kei na vuqa tale e ra sa cakava tiko na Daniel Fast, se 21day, se 40 days Fasting. Sa dua na ka vinaka na noda - sotavi ira ka ra dau tukuna mai na nodra marautaka na veika e ra cakava tiko e na masumasu kei na lolo.
Matai ni gauna Au tovolea na lolo...sa bau dua na ka dredre e na siga tabu me sa gauna ni kana e da sa raica ka boivinka tu mai na vei mataqali kakana e ra vakarautaka na marama.
Daniel 1: 8 "But Daniel
Purposed in his heart, that he would not defiled himself with the portion of the Kings deliocacies , nor with the wine which he drank".
Na noda digidigi - e na kauti keda e na vanua e da na tini kina. Na Cava na nomu "Purpose" ni lotu vakarisito. (*Na Bart - ka kele toka e cake) - ko na Digitaka na vanua mo yaco kina ni bera ni ko Vodo kina. Na noda digidigi e na ka e vinakata na Kalou, se ko vuravura, e na vakatau ki na vanua e cava ki na nai lakolako ni bula oqo. Na kacivi ni Tisaipeli e via muri Jisu e sega ni dretaki vaka-rawarawa e na veika e solia tu mai vakarawarawa ko vuravura. (*Vuqa na gauna e da na dikeva - ni bula e na vei koro lelevu vakataki Serene, NY, Tokyo etc.. sa rawa talega ni vakavuna me da Kaivesu / se vesuki e na system - ni bula e da mai tu kina).
NAI RAI E NA VEI KORO LELEVU
Ni da biuti Viti mai ka gole mei ki Amerika e duidui na tatadra. O Au, e na noqu qai gole mai - Au a sega tu ni "lotu". Au a nanuma tu na vanua ni marau (NY/ Holy wood/ na Rogo..the world of the Rich & Famous). Ia, na Kalou - e tiko na nona nanuma me baleta -- na Bula e solia vei iko kei Au....;
Ni kua, kei na vica na blog- mai qo; e da sikova kina na Bula nei Taniela e na koro levu ko Papilonio.
TANIELA & NONA I'LAWALAEWA (e Papapiloni)
Tanienila 1: 8 "A sa lewa oti e LOMANA (Purposed) ko Taniela, me kakua ni vakadukadukalitaki koya e nai votavota ni kakana ni tui, se na waini sa gunuva...."
E sega tale ni dua na Korolevu ena Vuravura e na gauna koya me vakataki Papiloni - Vutuniyau/ Marau/ Lasa/ Kakana/Gunu/ cava ga ko via marau kina e tu e Papiloni.
NAKI NI KALOU - e na KAIVESU
Taniela 2: e da sa mai raica kina nai Tuvatuva ni Kalou - vei Taniela. Oti na nodratou masumasu ka kania tiko na kakana mai na were (Taniela 1: 11, 12); sa laurai ni ratou sa vuku cake mai vei ira kece e Papiloni (dau ni vakasala vua na tui)..(Taniela 1: 17-21).
Sa biu, nai tutu vaka - KAIVESU - sa ratou kau me nona Advisor na tui....Amen!!!...Taro na cava nai naki ni noda dau lolo ka masumasu?
E na vanua e da mai tu kina qo (e Amerika) - e vakananumi ke da ma vaka na koro ko Papiloni. Na ka kece e ra gadreva tu na tu vinaka e na vei vanua e da lako mai kina - e tu e Amerika. "Land of the Free"...ia e na Taniela 2 kei na vo tale ni wase ni vola nei Taniela..e da na sarava na veika e Vakaraitaka na Kalou ki vei Taniela.
Na cava na Secret - (se ka vuni vei Taniela?)
Matai ni ka e - Digitaka (purpose) me vakamuria na kakana e a vakarautaka na Kalou vei Atama kei Ivi nai Iteni (Vakatekivu 1 29)e rau bulabula vinaka kina; ka vakatalega kina vei Taniela kei na nona i'lawalawa.
Au na mai cegu toka vakalailia e na Vakaibalebale 4: 23 "Mo vakatawa vinaka sara na yalomu (mind/heart) ni sa taka mai kina nai vurevure ni bula"
Proverbs 4: 23 "Watch over your heart(mind) with all diligence, For from it flows rivers of life".
Taniela - e sa digitaka (* sa masulaka tu mai ko Taniela & nona i'lawawa) e na vuni lomadratou me ratou digitaka na kakana e na solia na bula vinaka kei na vuku.
Na cava sa nodaru inaki, e nai tukutuku qo? E donu tiko beka na masumasu kei na lolo; se cava nai naki ni vei tovo vakalotu au cakava tiko?
(*au kerea mo ni soli vakasama mai kina...)
This comment has been removed by a blog administrator.
ReplyDeleteAu kereya meu vosoti noqu reply test mada ...baleta au a via vakatovolea tiko na reply ni vaka mai vou tale ni tukuni meu sign on tale....
ReplyDeleteSa donu vinaka (MM).. Sega ni dua na leqa.. Sa vinaka ga ni o ni sa tovolea, ka sa rawa mai. Au kerea moni comment mai vakalevu. Mo ni kalougata tiko.
ReplyDelete
ReplyDeleteDou sa Bula vinaka tale na veiwekani lewe ni veitalanoa ena vatavata oqo...dua na lesoni eda vulica vei ira na Iperiu - (Hebrews)ni dau vakaibale2 tu na Yaca era vakayagataka....au nanuma ni bale2 toka ni Yaca ka soli vua na cauravou oqo e Kaya toka, ‘my God is Judge’, e Turaga ni lewa levu taudua ga vei Taniela na Nona Kalou....vua edua na Iperiu ni cavuti ni Turaga ni lewa/Judge na Kalou na vakasama levu e Liu mai sai koya, ena dau vala ena vukudra se tutaki ira na nodra Kalou...au vakauta oqo edua na ka e vakataudeitaka na yalona na cauravou qo...mai na Nona gone kei na dede ni Nona bula e vakataudeitaka taka tu ga e lomana ni na dau vala se tutaki koya na Nona Kalou. Ni da rai ena Vola Tabu eda rawa ni vakadinadinataka kina na vakasama ni sa dau vala se totaki ira na Nona tamata na Kalou - Heb. 11 “... 33 who through faith conquered kingdoms, administered justice, and gained what was promised; who shut the mouths of lions, 34 quenched the fury of the flames...
Sa rauta me doudou kina o Taniela me bese ni kania na kakana tawasavasava vakaiVola Tabu baleta ni kila okoya ni na totaki koya na Nona Kalou....
Sa cava toka mada eke...ni Kalougata
Vinaka vakalevu na veiwasei tiko.. mai (TQ)..Totoka na vakasama ni vakatokayaca..mai vei ira na nodra.. tubutubu..na gone ni Iperiu..ni ra qai gone lalai mai...sa matau..me rogoca ko Taniela nai balebale..ni..yacana..(my God is judge)..Qo na veivakadeitaki ni talairawarawa..ki vei rau na nona I tubutubu....."Tanile..mo nanuma tiko qo ka..nai balebale ni yacamu... ".Au kila ni kasa..tu e lomai Taniela na vei vakasala..o ya..Ni qai kau vakavesu....Sa na tiko nai sema ni yacana.. ki vua na Nona Kalou.....
ReplyDeleteVei kemuni na se bera ni Comment mai..e dola tu na...vatavata qo..mo..ni..sema mai kina...