Na Nanuma ni Tamata kei na Kalou (Taniela wase 2)

 

E 92, 900 na maile mai na noda vuravura ki na Matanisiga. Ka taura e 365.3 na siga me Wavokita na Siga na noda Vuravura (earth).

Na Mata ni Siga - e dua walega na Kalokalo. Ke sega na Vula - e na 6 se 12 ga na aua e na dua na siga. 

Ke toso voleka na noda vuravura ki na mata ni siga, e na katakata sivia , ka mate e so na ka bula. I a; ke yawa mai ki na mata ni siga , e na rawa ni da batabata sivia; ka rawa saraga ni vaka na wai cevata na noda vuravura taucoko. (freeze)

E da vakavinavinaka ki vura na noda Kalou, ni vaka-tara me rauta vinaka na keda yawa mai na mata ni siga. Ka vota vakatautauvata ki vei keda na katakata kei na batabata. (vuravura taucoko kei keda na tamata kece eda tiko kina). E sega ni vei vakaduiduitaki na loloma ni Kalou...e vota vakatautauvata  na Matanisiga, Cagi kei na Wai, e da sega ni sauma vua e dua na ka.

Ni da wilika na Taniela Wase rua - e da raica ki na na loloma ni Kalou, ni vakaraitaka na Tadra kei na kena ibalebale - me ra kila na tamata kece e na gauna koya.

Taniela wase Rua.

E na Taniela wase rua, e da raica kina ni Kalou e digitaki Nepukanesa me tukuni ki vua a Tadra baleta na matakau ka wasei tiko kina e 5 na matanitu. 

Na nanuma ni Kalou: (rai Raraba Joni 3:16)

Nai naki ni Kalou - e na Nona solia vei Nepukanesa me baleta na Lima (5 ) na matanitu; e gadreva na Kalou me ra kila na kai Papiloni,nai balebale ni tadra (Taniela 2), ka vinakata talega me vakabulai ira talega na kai Papiloni me vakatakaga na nona vinakata me ra bula talega na matanitu Isireli

(*au na vola e dua na vakamacala mai na Bible Commentary  - vakamcala vaka valagi)

The Lord in his providence gave Nebuchadnezzar this dream. God had a message for the King of Babylonian  realm. There were representatives in the palace of Nebuchadnezzar through whom God could communicate a knowledge of Himself. God is not a respecter of  of men or nations. His object is to save as many as are willing, of whatever tribe or nation.  He was as anxious to save the ancient Babylonians as He was to save Israel. 

*Lotu Vakarisito kei ira talega na Sega ni Lotu VaKarisito.

E vinaka me da kila na Lotu Vakarisito, ni inaki ni Kalou - me ra bula na tamata kece e vuravura. Mai Viti tiko o ira na Kaidia, kai Jaina, Rotuma, Kailoma;,Samoa, Solomoni, sa dodonu me Rabailevu na noda rai...E na noda veimatalotu - me da kerea na veivakararamataki ni Kalou.

Aisea 46: 9, 10

"Dou vakananuma na ka makawa e liu, ni sai Au na Kalou, ka sa sega tale e dua, ; sai Au na Kalou, ka sa sega tale e dua,  kei rau tautauvata kaya."

10. Ka'u sa dau tukuna na ke na i vakataotioti, mai na ke na vakatekivu, ia mai na gauna e liu, ka'u sa tukuna na ka sa bera ni caka, ka'u a kaya, Na noqu lewa e na tu ga, ia na ka kece ka'u sa vinakata, ka'u na cakava ga".

(*vaka valagi)

"Remember the former things of old. For I am God and there is no other. I am God and there is none like Me. 

10. Declaring the end from the beginning, And from the ancient times, things that are not yet done. Saying, my counsel shall stand and I will do all my pleasure". 

Na vei Matanitu ena gauna ni kua.

Na veimatanitu e na gauna ni kua, sa dodonu me ra kila tiko ni vakanomodi tiko ko lomalagi, ia sa vakarau oti na nodra gauna.

Na ka e vinakata na Kalou me yaco, na veika kece ga, sa  vola tu e nai Vola Tabu; e na yaco ga e na kena gauna dodonu me yaco kina.

Vakataotioti ni Gauna

E na gauna oqo e da sa tiko sara tikoga e na i vakataotioti ni gauna. Taniela wase Vitu (7), e rau salavata kei na Taniela wase Rua, na kena duidui, sai koya nai ka va (4) ni  manumanu e Tini na kena i leu... (*Roma vakalotu)

 

Taro:

A cava na nomu digidigi e na siga ni kua..... Ni da sa raici Taniela kei na veika e ra kurabui kina na Tamata vuku e na matanitu ko Papiloni na cava tale me daru qai vakatitiqataka na Kalou levu qo - o Koya e lewa na nodra Duri cake na vei matanitu e so ka kila talega na gauna me ra Biu sobu kina.

Veiwekani:

Na Lesoni e tiko; na cava sara mada na dredre ni bula e daru lako curuma tiko - e nai vakatagedegede sara e cake - me da Masu vua na Kalou vakataki Taniela. 

Taniela 2: 28"Ia sa dua na Kalou mai lomalagi sa vakaraitaka  na ka vuni, ka sa vakatakila rawa vei kemuni na Tui ko Nepukanesa na ka e na yaco e na gauna mai muri". 

Na vei Mate & Veika Rarawa daru sotava:

Me daru tudei - ni dua na nodaru Kalou mai lomalagi e raica ka dikeva na veika kece daru lako curuma tiko.

E Dua na Kerekere:

Sa kerei moni wilika na Taniela wase e Vitu (7), me rawa ni vakarautaki kedaru e na veiwasei se blog ka tarava.

Au kerea moni soli vakasama mai. Ke tiko na taro. Ke o ni sega ni via vola e na Blog; Au kerea moni email taka mai, e na noqu email: avbuca09@gmail.com.

Mo ni kalougata tiko e na siga ni kua.