Na Nona Digidigi - e vakavuna me mai Kovana kina (*Taniela 2)

 Na rai ni Kalou vua e dua e dina-vakaoti vua, e na rawata kina na veivakalougatataki. Ko Taniela e a Dina e na veika Lalai (*me vakataka e da sa vulica tiko mai - Na nona digidigi me kakua ni kania se gunuva na veika e vakarautaki mai na Kakana vakaturaga - se Vakatui) 

Vuqa na gauna -  e. na noda Vanua ko Viti e so na ka ni vaivakatuaraga-taki vakaruvavura; dau vakavuna e so ra sa - lewena e so tale na mata-vakabauta ka "tabu kina na kakana e so kei na gunuvi ni yaqona".. me ra vakamalumalumataki mai vei ira na wekadra voleka .."ke o kania, se gunuva walega e dua na bilo" ko na sega ni mate kina".

Vakatekivu 3: 1 "....A sa kaya ko koya (*na gata ) vua na yalewa (Ivi), Oi, sa kaya bagi na Kalou modrau kakua ni kania na vuanikau kecega e na were?."

4. A sa kaya vaua na yalewa na gata, "DRAU NA SEGA DINA NI MATE".

Na Leqa Lelevu - e Tekivu mai na veika lalai

Vei wekani - na noda rai e sega ni vakataka na RAI ni Kalou. Ni kua, ni dua e qai vuku - sa vakatokai ni tamata rai-yawa. Turaga vuku.

E sega ni ca o ya. Ia, ya e vuku ga vakatamata. na Yalomatua kei na vuku dina e lako mai vua na noda Kalou. 

Nai Vola Tabu e ra  tiko kina nai talanoa baleti ira  ira na tamata (sega so beka ni vuli) vakataki Josefa, Taniela, Mosese kei na so tale, ka ra Dina tiko e na vei ka lalai.. ni ra se gone - ka vakayagataki ira na Kalou me ra vu ni veivakabulai e na veimatanitu e ra tiko vakavesu kina.

Na i sau ni valavala Ca - e da sa mai sotava tu e dai

Roma 6: 23 "Ni sa kena isau ni valavalaca na mate, ia sai solisoli walega ni Kalou na bulatawamudu, e na vuku i Jisu karisito na noda Turaga".

Na nodrau mai valavala ca (*se talaidredre ko Ivi kei Atama, sa vakavuna kina me da sa - Mate tiko ga yani na kawa tamata. (* e da sa raica mai qo e na vei ulutaga e da sa sivia mai e na vei Blog - sa oti)

Joni 14: 15 e tukuna ko Jisu .."Kevaka dou sa Lomani Au (Jisu na kalou - e Dau ni veibuli mai nai Vakatekivu); ia dou talairawarawa ki na noqu i'Vunau".

(vaka valgi e matata sara)

John 14: 15 "If ye love me keep my Commandments"

Veiwekani, o ya na ka e kaya ko Jisu - e sega ni ka Au, kaya. Ka matata nai Vola tabu e na i Vunau ni Kalou - na Vunau e Tini. Lakoyani 20: 3-17. E sega ni ka Ca - nai Vunau. Mevaka eda sa veitalanoataka oti mai e nai Ulutaga .. "Na Lawa ni takoso e Gaunisala" ke a Ca na lawa ni Gaunisala ia - e da na draiva tu ga vaka-lialia ka na levu sara na Mate e gaunisala.

Taro:

Ia na cava ga e so e ra Muria kina e so ga na tiki ni Vunau e Tini - ka vaka tara e so tale nai Vunau?. Se e dodonu beka ke'u tiko e California - ia, me'u vakamuria ga e so na Lawa ga Au vinakata?. Na cava e na yaco ke'u vanavana ga vaka veitalia... E vinaka o ya se ca?

Nai matai ki nai ka Va ni Vunau e Tini:

E volai ya meda qara vinaka kina na Kalou - se e da vakaraitaka na Noda LOMANA na Kalou e da qarava e da talairawarawa kina.

Nai ka Lima ki nai Ka Tini ni Vunau e Tini:

O ya na noda LOMANI IRA NA WEKADA.

Ko Jisu e mai Vakamatana taka ki vei keda na Lawa e na nona kaya e na (vakadewa vaka valagi e matata sara).

Matthew 22: 37-39 (NIV) Jesus replied "Love the Lord your God with all your heart and with all your soul and with all your mind. 38. This is the first and the greatest Commandment. 39 And the second is like it, Love your neighbor as yourself".

Na taro, vakacava e Ca beka ni da lomana vakalevu na noda Kalou - ka solia mai kina na luvena me mai mate me da rawata kina na bulatawanudu?

Ke o vaka io, ia - sa dodonu me'u Talairawarawa e nai Matai ni Va nai Vunau (Lakoyani 20:3-11) (*baleta ei vakaraitaki ni noqu lomana na Kalou).

Tautauvata na lawa ni noda Veimatanitu - e sega ni rawa mo talairawarawa e na so ga na Lawa - ka talaidredre e na Vo kece ni veilawa e so.

E dua na ka Bibi - au via Vakaraitaka:

Na noda Vakamuria na lawa ni Kalou - e na kauta mai na Veivakalougatataki (*se Blessings) vei iko kei na nomu matavuvale.

Ka na sega ni rawa - mo Lomana na wekamu e na Loloma vaKalou; ke ko sega mada ga ni Lomani Koya e Liu na noda Kalou. E da na cakava na loloma vei ira na wekada - ia, e ka vakarairai ga. E sega ni dau saumi lesu na loloma vakalou (grace)...Ni kua sa levu e ra lomana ga e dua ---- baleta ni tiko na ka e ra na rawata mai.

Nai karua ni wasewase ni Vunau e Tini . Nai ka lima ki nai ka Tini(Lakoyani 20: 12-17) - e i vakaraitaki ni noqu Lomani ira na Wekaqu (* tekivu mai vale veirau na noqu i tubutubu).

Na noda matanitu mai Viti.

E da gadreva me da Lomana vakalevu na noda Kalou. Ke sega - e da na oca. Ko ira na Gone - sa ra talaidredre (se vakayagataka na nodra dodonu) baleta ni ra sega ni Rokova na nodra i tubutubu e liu.

(* au nanuma ni sa na matata na Cava na vuna e da vulica kina lawa ni Kalou. Baleta e a muria talega ko Taniela - ka vakalougatataki koya kina). Au kerea mo ni soli vakasama mai.