Vulica ka Vakadinata e Lomamu.

 

Vulici me Caka sara.

Ko ira na ke na dau ni Droini - e sega ni ra "Raica" walega e dua na pepa kei na penikau ni ra se gone lailai (kalasi3 beka). E sa lomadra dina mai loma me ra dau droini. Yacova  ni ra sa tamata levu mai e toso cake tiko ga na veika e ra droinitaka - na ke na rairai vinaka.

Sa vaka kina ki vei ira na dau taravale (carpenter). E sega ni ra vulica ga na taravale; tiko nai tuki, nai varo, ka ra nanuma me tara rawa na vale.

E ra vulica ka cakava.

Vulica nai Vola Tabu

E na noda sa qai yacova mai nai vola nei Taniel wase 1 kei na wase e rua. E vica na ka e da sa vulica mai kina:-

1. E Talairawararawa vei rau na nona i tubutubu ni se gone lailai sara.

2. E rau vakatavulica vua ni dua tiko na Kalou (*me vaka na yacana - na noqu Turaga ni lewa)

3. E vakamuria na lawa ni Tiko bulabula (*health laws ka volai tu e na i Vola tabu. (

4. E yalo dina tiko ki vua na Kalou - veitalia na nodra vukitani na lewe vuqa na Isireli e ra tiko mai Papiploni.

5. Na Kalou - e sa dei na lomana me vakayagataki Taniel kei ratou na nona ilawalawa - me vakaraitaki kina na kaukauwa ni noda Kalou.

Ke na i'soqoni: 

Ko Taniela kei ratou na nona i Lawalawa, e ratou - Vulica na Lawa e vola na Kalou e na nona Vosa - ka Vakamuria. (* o ya, na vulica - ka cakava). E kauta mai vakavoleka vei keda na - vosa "Vakabauta se faith". Living faith. Se, vakabauta ka cakava.

Me da Muria na Lawa ni Kalou (*Ko na Vakalougatataki kina)

Veiwekani na  noda lako ki Lotu se lewena e dua na mata vakabauta - me vakaibalebale tiko ki vei keda. Ka bibi - ni da Lotu Vakarisito ka wilika tiko nai Vola Tabu. E dodonu me vakaibalebale ki vei keda na cava e da wilika, se vulica mai nai Vola Tabu.

Ke sega, e vinaka cake me da kua ni lotu, se wili e na dua na mata-vakabauta. E da na vaka-taratara wale tu ga "yaca ni lotu"; ka sega ni Lomada Taucoko na Vakaitavi se lewena ka muri Jisu nai Taukei ni Lotu.

Ni sa biu na "Warning" - ni vakayagataki na tavako, e na vakavuna na Lung Cancer, Heart disease, etc...Ia na cava ga e ra qai vakayagataka tiko kina ko ira na wekada?

Ko Taniela e kei iratou na nona i lawalawa e na wase dua ni vola nei Taliela; eratou a vakatabuaya, se sega ni kania se gunuva na kakana sa tukuna tu e nai Vola Tabu ni sega ni vinaka me da kania (*tawa-savasava).

E vuqa na wekada e da kila vinaka - ni ra kania ka gunuva e levu na ka e tukuna nai Vola Tabu ni sega ni vinaka ki vei keda, e ra qai vakatara... (* e dau mosi vei keda ni sa dua e sa kautani na niona bula baleta na nona digidigi cala).

Vei Tikina me Baleta na noda tiko Bulabula (Health laws)

Au kerea ni qai wilika na vei tikina qo e tukuni kina na Kakana e so e dododnu meda kania, ka vakarota mai na Kalou - ka kila na ka e vinaka ki na nodadu bula. 

Taro:

Na cava e vinakata ki na na Kalou - meda muria na lawa ni vei ka e da Kania, se gunuva?

Ke na i sau:

Vakarua 6: 24 " A sa vakaroti keda ko Jiova me cakava nai lesilesi kecega oqo, me da rerevaki Jiova na noda Kalou, ME YACOVI KEDA TIKOGA NA KA VAINAKA, ka me VAKABUAI KEDA, me vaka e na siga oqo".

* Manumanu yava i va : Vakarua 14: 6-8

*Na ika kei na sasalu ni waitui: Vakarua 14: 9, 10

*Manumanu Vuka .: Vunau ni soro 11: 11-20. 11: 21-47, Aisea 66: 15-20 (*Vuaka)

* Na Wai Ni Veivakamatenitaki : Vakaibalebale 20: 1 Vakaibalebale 23: 31, 32.

*Na  Lawa kece ni Kalou - e viribaiti keda e na bai ni Kalou - me kakua ni ravuti keda vaka-rawarawa ko Setani me yacovi keda kina na mate. Nida vaka-tara na ka e sega ni vinaka vei keda; e na tiko na kena ivakavotukana ena vei tiki ni Yagoda (effect the body systems).  Ka tini sara e na mate.

1 Koronica 10: 31 "O koya ga se dou kana se dou gunu, se cava na ka dou sa kitaka, mo dou kitaka kecega me vakarokorokotaki kina na Kalou."

E da na dui sauma ga vakataki keda - Ke'u sa vakatara na veika e vakatabuya na Kalou; Au, sa rokovi Koya dina tiko me noqu Turaga, se talaidredre tiko  ki vua?

E Va (4) na wasewase bibi ni bula vinaka : Spritual (Vakayalo), Physical (na yagoda), Metnal (Na noda Vakasama), Social (veimaliwai)

Ni sa vinaka na noda Vulica na veika Vakayalo - e na noda Vulica nai Vola Tabu - sa na qai rawa ni da digitaka ka kania na veika e bula vinaka kina na Yagoda kei na noda Vakasama.

Ni sa vinaka na noda Bula Vakayago (physical health) e da sa na rawa ni teitei vakalevu - ka vukei ira na yada se liuveni yali...

E na vinaka na noda Vakasama, ni da sa vulica na Vosa ni Kalou, kania na kakana e vinakata na Kalou, ka da na bula vinaka kina; sa na qai rawa ni da Veivuke e na noda Koro, vei ira na wekada (social life).

Sabolo mi bula nodratou o Taniela (Taniela wase dua)

Masuta tiko na noda Kalou e na vei siga (spiritual). Kania na kakana e sega ni vakarautaki mai na vale ni tui.(Physical health). Vakatinitaki na nodratou Vuku (mental health). E ratou digitaki me dau ni vakasala ki vua na tui ka me yaga raraba e na matanitu levu ko Papiloni(social life).

Sa noqu masu - me solia vei kedaru na yalo ni talai rawarawa ki na nona Vosa na noda Kalou.

Sa kerei mo ni soli vakasama mai e na blog (comment)..