ME'U LAKO TU KI VEI? (Exit Plan - God)
NA VAKASAMA NI - DRO TANI MAI NA VEI LEQA E SOTAVA TU NA NODA BULA
E sega walega ni sotava na bula ni tamata dravudravua ---- e sotavi ira talega na Vutuniu yau.
Vuqa na tamata rogo e na vuravura qo - e ra kautani na nodra bula mai na so na digidigi e ra cakava - vaka Bisinisi, Bula vakawati se bula vaka Polotiki.
E rauta ni lewe 29 na dau vakaraitaki e na yaloyalo (actors) e ra kauta se vakacavara na nodra bula vakataki ira.
TAMATA SA DUIDUI ---- (sa tiko ki vei ira na Vei Yalo-vakatevoro) sa sega ni vakatamata.
E da vakila --- ni sa Veisau mai Viti----- sa Soli na Galala (Rights) vei ira na Lalai --- mai Koronivuli, Vale la ra vakayagataka e nakoro.
Maciu 24: 12 "IA NI SA TUBU VAKALEVU NAI VALAVALA CA, E NA BATABATA MAI NA LOLOMA NI LEWEVUQA"
Matthew 24: 12"And because 'LAWLESSNESS' will abound, the Love of many will grow cold".
KO IRA NA TAMATA ROGO E RA MATE VAKA CAVA?
Ni sa dau caka na titobu ni vei vaka-qaqai mai vei ira na ovisa, sa qai dau kilai mai -- ni vuqa baleta --- na matavuvale (veiwatini) Sa sega mai na loloma. So tale e ra vakasaqara tiko na loloma. Sa tekivu yali mai vale ni era se gone-lailai, ka sala vata kei ira me yacova ni ra sa kalevu.
VURAVURA NI PLOTIKI
Sa vakatalega ki na na bula vakapolotiki. E na vei matanitu e vuravura, e so na Kisi ni basu-lawa mai vei ira na Veiliutaki, sa rawa ni sega ni soli nai totogi ----- baleta e ra saumi ira na loya me tukuna na veika e lasu.
2 Veigauna 16: 9 "Ni sa veiraiyaki voli na mata i Jiova e vuravura taucoko, me totaki ira vakaidina sa dodonu na lomadra vua....."
2 Chronicles 16: 9 "For the eyes of the Lord, run to and fro throughout the whole earth to shew Himself strong on behalf of those whose heart is perfect towards Him".
Veiwekani -- ni sa Batabata mai na loloma ni Tamata - nai Taukei ni Loloma (se, o Koya na Loloma - 1 Joni 4:8) e sega vakadua ni veisau.
"Sa Loloma na Kalou"
1 John 4: 8 "God is love"
Ia, e Veiraiyaki - voli na Kalou me vakasaqara e Dua - e Lomani Koya. Ka Dina vakaoti na nona Lomana na Kalou.
Sere 183 (Methodist Hymnal) Loloma Levu ni Kalou
Loloma levu ni Kalou
sa besu tu ni laivi au
Au sa raviti kemuni;
Au soli Au me'u nomuni
Ka tawamudu tu
Oh love that will not let me go
I rest my weary soul in thee
I give thee back the life I owe
That in thine ocean depth it flow
May richer fuller be
NAI I KAU - E NA MACAWA QO:
Au sureti kemuni - mo ni toro volekata nai "Taukei ni Loloma" (Na noda Kalou levu). Sai Koya ga e na solia vei kedaru na Loloma dina. (Joni 3: 16).
Sa noqu masu me daru na lomana tale vakalevu e dua --- e sega so ni dau kauwaitaka na - dikeva se tovolea na loloma soli wale ni Kalou.
COMMENT: (Soli vakasama mai)
Sa kerei mo ni soli vaksama mai. Ni kalougata tiko.
God bless
Ni sa bula vinaka. Ke rawa niu tomana ga na Ulutaga me vaka talega e dua na sere ena i vola ni sere ni Lotu Wesele.ka vaka koto qo:
ReplyDeleteMEU LAKO TU KI VEI
NIU SA.MALUMU TU
MEU VAKATAKILA VEI CEI
NA NOQU VUTU GU
SA KACI KO JISU
KAU BERA MEI CAVAI
SA DAU CIKEVA TIKOGA
KAU WELE SARA MAI..
Au wilika tiko na vakasama kei na kena tiki ni volatabu vakarautaki e.votu tiko mai vei au e rua na tiki ni volatabu.ena I volatabu vou, ka vaka koto oqo:
(1) " Dou vakasaqara taumada na matanitu ni Kalou kei na nona yalo dodonu ena qai soli me.kena I kuri na ka kecega qori".
(2) "Dou lako mai vei au koi kemudou sa oca ka colata nai colacola au na vakacegu kemudou.Vakataqara vei kemudou na noqu i vua ka vuli vei au koi sa yalo malua ka yalo malumalumu dou na rawata kina na vakacegu ni yalomudou; ni sa rawarawa na noqu i vua ka mamada na noqu i colacola".
E tukuna tiko na vakasama ni Sega Sara ni dua e galala mai na bibi ni volavola kei na oca ena vuravura eda.bula kina, eda vutuniyau se da dravudravua... Baleta o keda na tamata nida vinakata meda yacova e dua nai vakatagedegede I cake ni noda bula eda na vakasaqara na gaunisala meda rawata kina..la yaga meda raica nai matai ni Lesoni sai koya noda vakasaqara taumada na matanitu ni Kalou kei na nona yalo dodonu. Sai koya me liutaki keda na Kalou ena I lakolako ni noda vakasaqaqara. Ni sa rawa me.liutaki keda na Kalou ena vakaikuritaki (multiply na ka era rawata) . Ni sa sotavi na gagadra oya ena kauta mai na vakacegu.
Kevaka eda na vakasaqaqara tikoga ena noda kaukauwa kei na noda nanuma vaka tamata ena kauta ga mai na oca kei na Tarabi ni colacola is meda na qai kauta beka ki vei se da kauta vei cei?..ena yaga meda kila na sere sa volai tiko I cake kei nai karua ni lesoni..Kaya no Jisu meda lako vei koya ena oca kei nai colacola bibi meda laki vulica na yalo malua kei na yalo malumalumu....baleta sai koya ya ena vakarawarawataka.nai tavi ka vakanamada taka nai volavola.
Meda lako ga vei Jisu ni sa inkoya ga nai wali ni leqa.
O au saka tale meu sereka tale mada ga vakalailai na vakasama Kai sa biuta toka I cake...
ReplyDelete(1) vakasaqara taumada na matanitu ni Kalou......noda bula ni vakasaqaqara e vuna tiko na kena via vakatorocake taki na noda bula vaka kila ka, vaka rawa I lavo kei na noda bula vakayalo . Na vakasaqaqara oqo eda biuta mai na noda dui dela ni yavu kina koro ni vuli torocake ka vaka kina na cakacaka. Na vakasaqaqara talega oqo eda vakasaqara kina na veisoqosoqo Lotu meda lewena. Na vakasaqaqara oqo eda biu vanua talega kina . Ia e vakavulici keda na vosa ni Kalou meda vakasaqara taumada na matanitu ni Kalou kei na nona yalodonu. Vei au na vakasama ni kena vakasaqarai na matanitu ni Kalou kei na nona yalo dodonu sai koya na noda saga taumada meda lewena na matanitu oqo. Nida sa lewena na matanitu oqo eda na vakamuriya Sara ga nai T ovo kei nai vakarau ni matanitu oqo ka kena i liuliu duadua ga na Kalou sai koya o Jisu kei na yalotabu...ka ratou sa dua nai ga...E dua ga nai curucuru se na visa beka meda laki lewena...ka sa tiko talega nai solisoli ni matanitu oqo vei keda meda rawata kina nai yaragi ni noda vakasaqaqara..Ena Joni 14: 15-17..." (15) Kevaka dou sa LOMANI au, dou talairawarawa kina noqu i vunaiu.(16) Ia kau na masuti tamaqu ena qai solia vei kemudou e dua tale na Dauveivakacegui me tikoga keinkemudou ka sega ni M udu. (17) A YALOTABU sa vu ni ka dina ko koya era sa sega ni vakabauta rawa na kai vuravura nira sa sega ni.raici koya se kilai koya; is sai kemudou sa kilai koya ni sa tiko vata kei kemudou ko koya ka na curumi kemudou."
Oqo ga nai vakaukauwa vibaka duadua ni noda vakasaqaqara sa koya ga na Yalotabu ni Kalou ni sa tiko vata kei keda..ka vu duadua ga mai na noda Lomani Jisu ka talairawarawa kina nona vosa...
Vinaka vakalevu (MM) na veiwasei tiko mai.. E dina sara nai vakamacala ni Vakasaqaqara - ka da biu Vanua mai kina ka mai vakaitikotiko e na vei yasai vuravura - ka so vei keda sa mai tiko sara oqo e Amerika.
ReplyDeleteE vuqa (vakataki Au) sa qai mai vodoka e so na tolili (van/ SUV) ka da sega ni taukena rawa mai Viti. Sa vinaka o ya. So sa ra mai voli vale. Sa ka vinaka ko ya. So e mai vaka-bisinisi se vuli torocake -- e vinaka kece o ya....
Ia, me vaka-taka na vei yaloyalo ka tiko e cake .. (Ko ira na Milionea - e ra sa kauta vakai ira na nodra bula , baleta beka na cava?
E sa mai sauma toka ki vei keda ko (MM) ...e na Maciu 6: 33 " vakasaqara taumada na Matanitu ni Kalou kei na nona yalododonu ......sa na qai yaco me kena i kuri vei kemudou na veika kecega oqo"....
(MM) Au kerea mo ni tomana ---- Na noda lako mai ka mai Vakasaqaqara.... (*Me vakataka e levu na goneyalewa, cauravou e ra gole mai ki Amerika - me ra mai Lagasere beka (e na Music industry) se vakasaqara na Rogo - me ra Vakraitaki e na Yaloyalo (*Actors & actresses) ....