NA CAKACAKA NI YALO TABU VEI KEDA

 

Na cila mai ni Siga e na noda vei  Yanuyanu mai Viti - e kauta mai ki vei keda na lewe ni koro na marau. Ni se bera mai na Livaliva (Veivakatorocaketaki), ko ira na tubuda, e ra vakanuinui e na Cila mai ni Siga. E kauata tani Butobuto, ka sa rawa me laurai na veika - e da via raica. Na cakacaka e nakoro kei na i tavi e tu me qaravi e na dua na siga, e dau caka vaka vinaka ni soli tu na ke na siga vinaka.

Ia na Siga, e Vaka-iyalayala ga na ke na Cila e na dua na siga. So na gauna e tini se walu na Aua dua na siga. O ya na vuna - e da dau vakasalataki kina me da Tuvani - vakamatau nai tuvatuva se, i'tavi e da via qarava e na dua na siga. Ena Sega ni Rarama tu ga na Siga. E na toro  mai na Buto.

Se me vakataka e so na vanua / se koro lelevu  vakataki- Las Vegas ( e waqa tu na cina 24/7). E ra saga na tamata e na vuravura qo me rarama tu ga na vei koro lelevu.

E rawa beka ni veisisivi na ka e Bulia na Tamata, kei na ka e bulia na Kalou?

Na cava mada e tukuna nai Vola Tabu me baleta na Rarama.

VAKAYAGATAKA NA RARAMA -- NI SE CILA TIKO. NA SIGA

Ko Jisu e tukuna e na Joni 9: 4, 5 "Sa dodonu me da kitaka na cakacaka i Koya sa talai Au mai, NI SA SIGA TOKA; sa voleka MAI NA BOGI, sa sega ni cakacaka rawa kina e dua na tamata.

5. Niu sa tiko e Vuravura, AU SA RARAMA KEI VURAVURA.

Veiwekani - e da vulica tiko mai, ni sa Gole ko Jisu ki lomalagi (Cakacaka 1: 9-11). 

Ni sa gole ko Jisu - e sega ni biuti keda kei iratou na Tisaipeli e na Butobuto ni valavala Ca e vuravura. E a tala mai Na Kalou na Yalo Tabu me tiko vata kei keda, ka Vakararamataka na noda Digidigi e na veisiga.

E nai Vola ni Cakacaka, e ra tukuna na ke na dau; ni oqo nai Vola ka volai kina na "Cakacaka ni Yalo Tabu" e na nodratou bula na Tisaipeli.

Cakacaka 1; 8 'Ia dou na rawata na Kaukauwa ni sa lako mai vei kemudou na Yalo Tabu; dou na wai dau tukuni Aumai Jeruisalemi kei Jutia taucoko, kai Samaria, ka yacova nai yalayala kei vuravura".

Viti:

E da kila e na (*i vola tukutuku makawa kei Viti - History) e a tadu mai ko ira nai matai ni Kaulotu, se Missionary e na 1800's.

E na gauna ko ya, e a butobuto tu na nodrai i tovo. E a sega na vuli, sega na gaunisala ni motoka, sega na Vale ni Bula, sega na Livaliva, sega na Waqavuka, sega na talevoni. E a duatani sara na nodra bula (me vaka e da sa kila ni kua).

*Ia, nira ca ciqoma na Lotu ko ira na Qase, sa Veisau na bula. Sa ra daramaka nai sulu, sa ra koti, sa tekivu na Vuli kei na veivakatorocaketaki me yacovi keda mai ni kua.

O ya na keda ivola i tukutuku. Ka ra guilecava me ra vola na Kai Igiladi - ni o ya na Cakacaka ni Yalo Tabu.  O ya na vuna e kaya ki na ko Jisu e na Joni 3: 8 "Sa liwa na cagi KI NA YASANA SA DIGITAKA, ia ko sa rogoca na ke na rorogo, KA SEGA NI KILA NA YASANA SA LAKO KINA. Ia ko sa rogoca na ke na rorogo ka sega ni kila na yasana sa lako mai kina; SA VAKATALEGA KINA Koya sa SUCU E NA YALO TABU".

Ni da sa Wilika nai Vola Tabu, e vosa tiko e na noda vakasama/yaloda na Yalo Tabu, ka so na gauna e - dau mosimosi na "Veisautaka na noda i Toivo " e sega ni va-Kalou na ka e da dau cakava..

E vakataka ni da raici keda e na iloilo. E tukuna vei keda na duka e tiko e na matada, ka da vakasavsavataka.

ROGOCA, VAKASAMATAKA, DIGIDIGI ka Muria na ka e VINAKATA NA YALO TABU.

Jemesa 1: 22, 23 "Ia dou muria na Vosa (Vola Tabu), ka kakua ni rogoca walega, ka VAKAISINI KEMUDOU kina vakaikemudou.

23, Ia kevaka e dua sa ROGOCA WALEGA na Vosa, ka SEGA NI MURIA, sa tautauvata kei na tamata sa laki ilova na mata ni yagona e  na iloilo.

24. Ni sa laki ikovi koya,  a SA QAI LAKO TANI YANI, a sa Guilecava vakasauri se sa vaka evei nai valavala ni yagona".

_____________________________________________________________________________________

Ni vosota, sa na mai tini koso e ke na Blog oqo:

Au kerea me da wilika, vakasamataka na vei ka e tukuna ki vei keda na Vosa ni Kalou.

Sa kerei moi ni yalo vinaka, ka comment mai. Mo ni kalougata tikio e na vo ni macawa oqo.