DOLA TIKO KO LOMALAGI 24/7
Na koro rogolevu qo ko Las Vegas - ko ni kila vinaka ni sega ni sogo na vei otela, kasino kei na vanua ni vakamarautaki, e ra dola tu me 24/7, se ruasagavulu ka va (24 hrs) na aua ka vitu (7) na siga, sega na moce. se me tu vakadua na bisinisi e Las Vegas..E lailai ga nai lavo e na levu ni veika ni vei veivakamarautaki a caka tu e na koro oqo.
Keirau sa lesu mai vakavica e Las Vegas, ia e baleta e so na covention ni bisinisi kei rau lewena tiko. (sega na veimau i lavo - (e tabu e na neirau vakabauta).
Qoka na vanua ni sotasota - ni vei mataqali dui vosavosa, duidui na vanua e ra lako mai kina. E ra dau gole me e Las Vegas me ra mai marautaka na veimataqali (veivakalasai e so/ veimau ilavo kei na veika se i valavala Ca, ka da sega ni vakamacalataka rawa). Vakauasivi ki vei ira era dau taleitaka na veimau ilavo se gambling, e ra Marau na sobu mai e na Waqavuka ka levu e ra Vodo yani e na yalo Rarawa - ni ra sa mai Vakalusia e e levu nai lavo. E so e ra dau voliataka na nodra motoka e na kaukauwa ni veimau ilavo. So e ra tini sara e na nodra kauta tani na nodra bula.
Io, na wekaqu - na veivesu ni Ca kei na Vu-ni Ca, e dretaka na yalo ni tamata, ka yacova sara ga ni vakarusai keda. (*Joni 10: 10)...Sa lako mai na meca me ravuravu, ka vakarusa. Ia Au (Jisu) sa lako mai me rawa vei kedaru na Bula, ia me rawa vakalevusara.
Ia, ni da se bula tiko e na dua na vuravura ni i'valavala ca qo; e dodonu me da vakanananu tiko ki na dua na vanua e vakarautaka tiko na noda Kalou - (*na Jerusalemi Vou -Vakatakila 21)..... Na Vuravura e da bula tiko kina oqo...E da mai tiko ga kina Vakawawa... E dua tale na vuravura e vinaka cake sara, sa voleka mai. (Joni 14: 1-3)
LAS VEGAS SE NA LASA E NA VURAVURA QO; E VAKA I'YALAYALA. NA LASU NI TEVORO E VAKA'IYALAYALA .........na Noda Kalou e sega ni VAKA I'YALAYALA na Marau kei na Bula e yalataka tu vei iko kei Au.
RAI NEI JONI E NAI VOLA NI VAKATAKILA.
E mai volavola tiko ko Joni e na nona a vesu tiko mai na yanuyanu ko Patimo. E tiko taudua kina - ia e vakatara vei koya na Kalou - me rai yani ka raica nai tikotiko Tabu ni Kalou, ka vosa mai vua na Kalou, me mai tukununa vei keda nai taba tamata e Muri sa ra oqo, ni sa Voleka sara ni Lesu mai ko Jisu.
Vakatakila Wase 4: (Nai tukutuku mai nai Dabedabe Cecere Dokai, ka Vakatabui ni Kalou.)
Revelation 4: 8
The four living creatures, and having six wings, were full of eyes, around and within. And they do NOT REST DAY OR NIGHT saying;
HOLY, HOLY, HOLY
Lord God Almighty
laki tini na wase Va ni Vakatakila, e da wilika talega kina ni tiko e ruasagavulu ka va (24 elders) e nodratou cakacaka na vakalagilagia, ka vakacerecerea tiko nai tikotiko tabu ni Kalou.
Kemuni na veiwekani, qo ka na vanua me gole tiko kina na noda vakanananu e na veisiga, nai tikotiko tabu ni Kalou.
Baleta na cava?. E so e ra na taroga mai. Au nanuma ni kevaka e da via muri Jisu (me vaka na lotu vakarisito, ka vakabauta nai tuktuku kece e nai Vola Tabu); ia sa dodonu me matau na noda Raica tiko nai tukuttuku ni Vale tabu ni Kalou, ka (familiarize ) se cakava me matata ki vei keda na VEIKA E DA NA SOTAVA MAI LOMALAGI . E serau tu kina na RARAMA NI NODA KALOU 24/7.
Hebrews 4: 16 (KJV) "Let us therefore COME BOLDLY TO THE THRONE OF GRACE the we may OBTAIN MERCY AND FIND GRACE IN TIME OF NEED"
24/7 na veivuke e SEGA NI SAUMI - Nai tikotiko Tabu ni Kalou e Dola tu me daru "CABE DOUDOU YANI KINA ....ka kerea na VEIVUKE kei na LOLOMA NI KALOU e na gauna ni LEQA.
Sega ni macala vei Au, se o sotava tiko na LEQA se, sega? (*Au vakabauta ni sega ni dua vei keda e galala kina)....Ia na ke na i sau sa tu ga e nai Vola Tabu. SA WAWA TU NAI TIKO TIKO TABU NI KALOU....ME ROGOCA KA SAUMA NA NODA KEREKERE.
SA VAKARAU OTI NA NONA ROGOCA SE SAUMA TIKO NA NODA MASU NA NODA KALOU.
ke da se bera ni kila --- Au kerea me da kila tiko, ni vakarau me Lesu mai ko Jisu, e na Sogo na Katuba ni Loloma ka sa na sega tale ni saumi na masu e na gauna ko ya.
Qo ka sa gauna me da - Veivakatusai/ Cabora tiko na noda Bula e na veisiga ka sureta na kaukauwa ni Yalo Tabu, me mai Liutaka tiko na nodaru bula,.
Ni vosota - sa na mai tini toka vaka lekaleka na bolg oqo. Au kerea ke tiko na na ka ko ni via wasea mai, ni vola mai e na "Commments) se, rawa ni Fili-taka na Fomu... ka na gole mai e na email vei Au.
Mo ni Kalougata tiko e na macawa qo.
Comments
Post a Comment