NA VALE TABU MAI LOMALAGI - ( E NODA BETE LEVU KO JISU- SA VAKARAU OTI)
Ni sa bula vinaka mai na lewe ni matavuvale ka da dau wilika, tiko ka vakamuria mai na vei Ulutaga e so... (ka biu tiko yani vakaleleka -- me da soli vakasama mai kina).
*Au kerea ke so vei kemuni e se qai Vou beka - na raica nai yaloyalo ka toka e Cake, ka na vakavu-loma tarotaro ; se cava e biu mai kina).
VAKAMACALA
Qoka na vanua e Cakacaka tiko kina ko Jisu e na gauna oqo, e Noda Bete Levu. Ni da Masu, ka tagicaka e so na vei ka e dau Tara na noda dui Bula, se masu kecega, e lako ceke sara ki na Loqi Tabu na vanua e cakacaka tiko kina ko Jisu, me cakava na Veisereki mai na noda bula. Sa tiko vata kei keda na Yalo Tabu, ka Vakadewataka ( se tusanaka cake na vei masu kece e cabo tiko yani e na Vuravura qo). Ni Vakasamataka e da lewe sivia e Vitu (7) na bilioni na levu kece ni tamata e na vuravura qo. Ia, e kauwaitaki keda tiko na noda Kalou 24/7, se ruasagavulu ka Va, Vitu na siga e na dua na macawa.
E Tawamudu (everlasting service of Grace). Joni 3 16, 17.
Ni da yalodina e na Veivakatusai, e rogoca mai ko Jisu, ka laveta vua na noda Kalou levu --- ni Nona Dra e Kalivari, sa saumi kina nai Valavalaca ni Tamata yadudua e vakatusa na Yaca i Jisu, ka yalataka me Muri Jisu; e sa kau cake na noda masu, rogoca ko Jisu, ka vosota ka bokoca-laivi na noda i valavala ca. (1 John 1: 9 " If we confess our sins, He is faithful and just to forgive our sins and to cleanse us from all unrighteousness "
Ni rogoca ni matata nai Vola Tabu, ni ko Jisu ga e da Vaktusa kina na noda i valavala ca, ka na Bokoca laivi, ka sega ni dua na tamata e na vuravura qo.. (e sega na wekaqu)
MATE KA TUCAKE TALE, SA TIKO E NA LOQI-TABUSARA MAI LOMALAGI.
Hebrews 9: 22 (Leviticus 17: 11) And according to the law one may almost say "all things are cleansed with blood, and WITHOUT THE SHEDDING OF BLOOD THERE IS NO FORGIVENESS".
O koya ga e Vakadavea na Nona Dra - e rawa vei Koya me Bokoca ka vosoti keda mai na noda i'valavala Ca..
E da vakavina vinavinaka ki vua na Noda Kalou - ni sa kilai keda ni da se bera ni sucu mai. Ka sa mai mate ko Jisu, solia na Nona bula me rawa vei iko kei Au me daru vakabauti Koya, ka rawata ma Bula tawamudu.
-----------------------------------------------------------------------------------------------------------------------------------------------------------------------------------------------
Au kerea mo ni na vosota. Sa na mai cava toka vakalekaleka nai ulutaga oqo. Au sa kerea mo ni na soli vakasama mai kina, ka kuria nai vakamacala. (*ni rawa ni vakalewena na fomu, se comment ga mai e na comment column .
Sa vinaka vakalevu. Mo ni kalougata tiko e na macawa vou oqo.
June 29, 2021:
ReplyDeleteNi sa yadra vinaka tale mai.
NA CAKACAKA NEI JISU E NA VALE-TABU (E NA GAUNA OQO) MAI LOMALAGI.
Iperiru 9: 11, 12
"Ia sa lako oti mai na Karisito me noda Bete Levu (High Priest), baleta na veika vinaka e ra sa yaco oti mai. Na Valelaca (Tabernacle in the wilderness. Moses & Children of Israel) sa veiqaravi kina o koya sa uasivi vakalevu cake ka vinaka sara; a sa sega ni caka e na Liga na valelaca oqo, ka baleta ni sa sega ni tiki ni vuravura oqo.
12. E na gauna sa lako kina ko Karisito ki na valelaca ka curuma vakadua ga me baleta na tamata kecega na Tikina Tabu Sara (*Most Holy Place, a sa SEGA NI KAUTA NA DRA NI ME, KEI NA DRA NI LUVENI BULUMAKAU........."
14. Me vaka sa dina sara oqo, sa Levu cake sara vakaidina NA KA E NA CAKAVA NA DRA - I KARISITO......
Ni sa Soli Koya na Karisito, ME MAI I SORO, sa vinaka sara vua na Kalou, e na vuku ni Yalo Tabu. NA NONA DRA E NAVAKASAVASAVATAKA NA NODRA LEWA E LOMA, mai nai valavala makawa sa tawayaga, ME DA RAWA NI QARAVA RAWA KINA NA KALOU BULA.
## E SEGA NI VOLA NAI VOLA TABU - Ni dua tale na Tamata e na Vuravura qo, e Mai Mate, Tucaketale, ka sa rawa kina vei keda meda "Lako Doudou e na Loqi Tabu Sara, ka vakatusa Vua na noda i'valavala Ca ----- E sega na wekaqu. (* Au vakabauta ni vuqa na wekaqu --- era na loma tarotaro e na veimataka ni ra lako ki vua "e dua na Bete (e tamata ga), ka laki vakatusa vua na nona i valavala Ca.) Au kerea moni na vosoti Au, Au se bera ni kila ni dua na tamata tabu yani e a mai mate; tucake tale ----ka rawa ni savai keda mai na noda i valavala Ca.)
Roma 6: 23 "NI SAI SAU NI VALAVALA CA NA MATE, IA, SAI SOLISOLI WALEGA NI KALOU NA BULATAWAMUDU, e na Vukui Jisu Karisito na noda i Turaga.
Taro:
Vakacava - na vakatutusa (Confession ) e caka tu oqo e na so na mata vakabauta? E dua me soqona kece tiko na veika Ca, e ra cakava tiko na lewe ni lotu e na veisiga? Vakasamataka, na vei taro e tarogi, kei na ke na i sau? E na sega beka ---- ni duatani na veika e nanuma?
Au kerea -- me da na veimasulaki vakalevu, baleta e da luve ni Kalou kece, ka tiko na gauna e na cilavi ira kina na rarama, me kila na Cakacaka nei Jisu e na gauna oqo. (*Ko Mrtin Luther - Na Bishop ni Lutu Katolika, e a veisau mai ni sa kunea na dina ka vola - na (*95 Theses or Disputation on the Power and Efficacy of Indulgence, October 31, 1517 @ Wittenburg, Germany)