Na Valetabu (part 3) SEMATI NI VALE NI KALOU KEI IKO (*NA VALE NI YALOTABU)
Nai talanoa ni Valetabu (*Sanctuary ) e na Lakoyani 25: 8-19 o ya e na Nona gadreva na Kalou me mai vakatakilai Koya ki vei ira na Isireli - me ra kila ni Lomani i ra tiko na Kalou.
Vakavalagi e na Exodus 25: 8-10
8. "And let them make me a Sanctuary, that I MAY DWELL AMONG THEM".
VEIWEKANI e i naki ni Kalou me mai tiko kei ira na Nona tamata e na veisiga (Iko kei Au).
E sega ni biuti ira tu ga na kawa - Isireli me ra tu vakabobula mai Ijipita. E a kacivi ko Mosese me lako ka kauti ira mai, me ra lesu tale ki Kenani (Jeruisalemi & vei koro volekata) ka qaravi koya na noda Kalou.
VEITABA YABAKI;
E na vei taba yabaki e nai talanoa e tu e na Veiyalayalati Makawa (e nai Vola Tabu), e da Wilika ki na na nodra Talaidredre na tamata ni Kalou; ia e sega vakadua ni guilecavi ira na Nona tamata digitaki na Kalou.
GAUNA NEI JISU & RATOU NA TISAIPELI.
Ni sa mai mate ko Jisu (Maciu 26, 27), e sa mai oti vakadua na qaravi Kalou e na Vale Tabu, sa kaila kop Jisu .."Sa oti" (Joni 19: 30), e kadresu nai Lati e na loma ni Vale tabu (Maciu 27: 51- 56), dro na manumanu me mai vakacabori, sa se sega tale ni caka na i Valavala ni So-kalou ka dau caka tiko mai e na loma ni lekutu.
Ni kua e da sa Cabe doudou ki na Loqi Tabusara ki nai tikotiko Tabu ni Kalou e na gauna oqo e na gauna e da dau Masu kina.. Iperiu 4: 16.
SA VIA SAUMA NA NODARU MASU KO JISU E NA KE NA LEVU - NI BERA NI LESU TALE MAI..
( ia e dua nai tatau ki vei keda - e via Semata na Yagodaru kei na Yalodaru e na gauna oqo ki vua) Oqori na Vale ni Kalou.
I Koronica 6: 19 ONI SA GEGA BEKA NI KILA NI SA VALE NI YALO TABU NA YAGOMUNI, na Yalo Tabu ka sa tiko e lomamuni, o koya sa solia vei kemuni na Kalou, ?
2o. Ni sa voli kemuni oti ko Koya, e na dua nai sau, O koya oqo, mo ni qai Vakarokorokotaka na Kalou e na Yagomuni".
NAI TATAU:
Na wekaqu, ke sa Vale ni Yalo Tabu - na Lomada; e sega beka ni Dodonu vei iko kei Au me daru qarauna na veika e daru biuta ki lomada (kakana, wai ni qunu, Na vei vakasama e sega ni vaKalou, na Vosa e da dau tukuna baleta tale e dua? etc, etc)
NA VEISEMATI E CAKAVA NA KALOU E KALIVARI.
Sa mai voli keda oti ko Jisu e na Nona dra. Sa noda na bula tawamudu. E sega beka ni daru marautaka nai solisoli oqo. (Free gift - Eternal life . John 3: 16)
SA VOLEKA SARA MAI KO JISU:
Taro: Sa Savasava tiko beka na Nona Vale?
Au kerea mo ni soli vakasama mai.
Mo ni kalougata tiko e na mua ni macawa qo
Dou bula vinaka
ReplyDeleteDou bula.vinaka tale na.lewe ni vuvale .Ni bula vinaka na dau ni veituberi Mr Vakaloloma.Au kereya taumada na veivosoti niu mai yali vakabalavu tiko ena vatavata kau sa qai basika tale..Au na via wasea ga na tikina au tomika rawa ena vakamacala eda sa rogoca tiko baleta na vale ni Kalou taumada , na kena kau mai vakavoleka ka.sa tiko sara qo e lomada. O au raica tiko.nai yaloyalo ni veisemati oqo e vaka o iratou na lewe tolu va Kalou sa tiko na nodratou I sema vakacakacaka ena kena vakadetaki mai me.sa mai vale.ni Kalou na lomada ena ka e vakaraitaki toka na Joni 14 :15 -17 ka.na via vaka koto oqo:
ReplyDelete(1) vosa ni Kalou...nai lakolako mai Ijipita ki Isireli au colati voli mai na vosa ni Kalou ka tawani voli mai ena dua na kato ka vakavale taki
ka me.dusiya tiko ni sa tiko vole na kalou ena kedra Malika. Ena vakasama ni lesoni Joni 14: 15...kaiya ko Jisu : " Kevaka dou sa lomani au dou talairawarawa kina noqu vosa"...via tukuna o Jiau kevaka eda vinakata me.voleka mai vei keda na Kalou ia meda tekivu ena noda lomani koya ka talai rawarawa kina nona vosa.Ni sa rawa ena qai tavi nei Jisu me.masuti tamana.
(2) Nona I tavi na Kalou...(t16) .."Na Kalou ena qai tala mai e.dua tale na Dai veivakacegui...sai koya na Yalotabu me mai tiko vata kei kemudou..Na nona mai tiko ya na Yalotabu e sa na tiko sara ga ena nona vale sai koya na lomada ni sa vakasavsavataki oti ena noda sa talairawarawa kina nona vosa .
(3) Tavi ni Yalo...(t17) ..tuberi keda kina ka kecega e dina..Ni sa mai tiko na yalotabu kina nona vale.sa.na basika sara ga na.vuana ena noda bula.
Oya e dua nai yaloyalo kau nanuma ni kena kau mai vakavoleka sara na vale ni Kalou kina lomada ka.tekivu ga ena noda lomana na luvena ka talai mai me.mate ena vukuda.meda talairawarawa kina nona vosa ena qai vakatara na Kalou na nona yalotabu meai tiko ena nona vale.sai koya na.lomada na tamata me rawa ni vua kina noda.bula nai rairai dina ni vwitubeei ni Yalotabu. Na vua ya era na qai vakarokorokotaka kina.na.Kalou na tamata sa.liutaki koya na.yalotabu ka sa dua na vale ni Lotu me.tuberi kina na bula vakayalo ni tamata. SA qai vakoti kina na.ka a vosa kina ko Jisu vua na yalewa ni Samaria..." Ena yaco mai na gauna dou na.sega kina ni Lotu mai Jeruisalemi se.na vei ulunivanua me vakataki ira na nomudou qase. "A.YALO NA KALOU ,KOYA SA VIA LOTU VUA E.DOSONU ME.LOTU VAKAYALO KA VAKAIDINA"
vinaka saka...
Ni yadra vinaka mai na lewe ni Vatavata qo. Au via vakavinavinakataki Mr Moce e na nona cau mai e na (Valetabu na Lomada - vale ni Yalo Tabu). Tomana o koya ni kaya ko Jisu "Kevaka dou sa Lomani Au, dou Talairawarawa e na noqu i Vunau (10 commandment)..ko ya e tiko e na Loma ni Loqi Tabu Sara (Most Holy Place) e na Vale Tabu. Oqo nai Tovo ni Kalou..... (e da na qai tara yani vaka malua e na dua na gauna --- na matai lalai ni vei Yaya kece e tiko e Vale Tabu & na kedra i balebale).
ReplyDelete(Jope 1 & 2) E vakaraitaki kina na veitarotarogi nai Setani kei na noda Kalou me baleti Joope. Qo ka nai yaloyalo ni vei ka e caka tiko ki vei keda e na gauna oqo..... Dina ni da sa mai "Isireli Vakayalo", e sa dodonu kina me Vakayalo ka Titobu na noda bula (deep spirituality )... E na vakasama oqo.
Nai Valu ni (Vinak & Ca).... se Ocei me mai Tiko e Lomada...ka vakatulewataka na noida bula... e a tekivu mai Lomalagi (ni Wilika na Vakatakila 12); ka yaco tiko qo , e na gauna sara ga oqo (Last Days)... E SA QAI KAUKAUWA GA MAI........NI RAICA GA NA VEISAU NI I TOVO NI TAMATA....E KE...VA KAUASIVI MAI VITI.........sa na ca ga mai....Baleta o Setani e besetaka ni da laki tiko kei na Kalou e na Vanua ka biutani mai kina.
KEVAKA E DA VIA LAKI BULA KEI NA KALOU NA TAMADA, JISU KEI NA YALO TABU kei ira na Oba vaka oba na Agilosi e lomalagi (Vakatakila 21 & 22); ia e sega beka ni dodonu --- me da daramaka na "mata iloilo vakayalo" (Spiritual eyesight). Na noda bula sa dodonu beka me da vakatovototaka tiko.......na Nona mai Tiko e Lomada na Kalou na Yalo Tabu....
Vinaka vakalevu na wilwili tiko mai....Au kerekere ni soli vakasama mai.