-Part 2 E RAWA BEKA VUA NA LEOPATI ME VEISAUTAKA NA TAVUTONOTONO NI NI KULINA?

 

E na (Part 1), e da raica kina nai vola nei Jeremaia kei na ke na veisotari kaya --- kei na vei dinadinati e na "Camp David Accord" - Isireli kei Palestaina.

E kau mai kina, na vakasama e vakaraitaka ko Henry Kissinger, na dau ni vakasala vua na Peresitedi ni Amerika e na gauna koya, Jimmy Carter.

Ia sa bau ka dredre dina ni veisautaki na loma ni tamata. Jeremaia 17: 9 "Sa ka dau veivakaisi duadua ga na yalo ni tamata, ka sa deredre ni vinaka, o cei sa kila rawa".

BULA VAKAYAGO kei na Bula Vakayalo

E tautauvata ruarua. 

Me'u taura mada na noda bula vakaitaukei... Ni so na gauna ni caka e na noda veikoro vakaviti na bose ni Mataqali, se yavusa,, Ni ra dau taro mai na tiko e Cake. "Ia, sa vakacava, dou sa dua vata kina"? E da dau veiraiyaki...Sa da qai sauma.."Ia, sa donu"... (veitalia madaga --- e sega toka ni dodonu vei so vei keda; e da sa dau vaka io ga, se, laveliga kina.

E SEGA NI RAWA NI DA VEISAUTAKA NA YALODA/ SE NODA VAKASAMA, ga vakataki keda.

NAI NAKI NI KAULVEILATAI - (mate kina ko Jisu)

Joni 10; 10 ...Au sa lako mai me rawa vei kemudou na Bula; ia me rawa vakalevu sara"

Joni 17: 3 " Ia, sai koya oqo na Bula tawamudu, me ra kilai kemuni na Kalou dina, duadua ga, kei Jisu Karisito ko ni a tala mai".

Taro: e da na rawata vakacava na Bula tawamudu ka yalataka tu Ko Jisu, me vaka nai naki ni ni Nona lako mai me rawa vei keda na Bula eke, ka vaka kina na Bula tawamudu.

E so beka na mata tamata --- e ra na taroga, ke ra sega ni vakabauta Vakarisito; " ko cei sara mada ko Jisu?

Se, e so sara beka ga veikeda na wilika tiko na Blog oqo, e ra na sega ni Vakdeitaka na nona veikilai kei na Gone Turaga ko Jisu.

E SEGA SO NI DREDRE NA BULA (ni da tubucake tiko mai); e sega so ni vakaibalebale sara vei keda na "Gone Turaga ko Jisu". (* Au rawa ni tukuna ni a vaka tu o ya, na noqu a susugi cake mai vei rau na tubuqu -- lotu Wesele. E sega sara tu ni vakaibalebale na lako ki lotu). Au lako ga, baleta ni sa dau tukuni meu lako ki lotu, ni sa qiri mai na lali.

Ni tukuna ko Henry Kissinger - mai na sainitaki ni Camp David Accord " Ke rawa beka ni veisautaka na kena tavutono na Leopati....", e kila vinaka o Koya na kena ibalebale baleta ni Jiu.. (ref: Part 1)

E kila nai vola nei Jeremaia.

TARO:     E rawa beka vei kedaru me daru ---doudou ni cavuta e so na Tiki-ni Vola tabu ki vei ira na wekada, sega vakabauta vata kei keda?

VAKASAMA VAKAYALO

Vei keda na Lotu Vakarisito - sa dodonu me kua walega ni Wiligusutaki e so na vei tikini Vola-Tabu; ia sa dodonu me daru Bulataka ...na ka e tukuna tiko....

(** Sa na yala toka mada e ke na Blog oqo. Au kerea mo ni vosota. E na qai tomani taleyani e na blog ka tarava).

Au kerea mo ni wilika ka solia mai e so na noimuni vakasama e na Comment column.

Ni kalougata tiko. God bless